Bókasafn skólans
Bókasafnið er ætlað nemendum og starfsfólki skólans. Safnið er opið skv. stundaskrá sem er auglýst að hausti. Skólasafnið á að vera lifandi fræðslu-, upplýsinga- og menningarmiðstöð skólans þar sem fyrir hendi er fjölbreytt úrval náms- og kennslugagna auk bóka til yndislestrar.
Setbergsskóli er forystuskóli í læsi og námsvitund og því er skólasafnið mikilvægur hlekkur í öllu starfi skólans. Lestur og lestrarhvatning er mikilvægur þáttur í starfi skólasafnsins. Markmiðið er að gera nemendur okkar að áhugasömum lesendum jafnt á bókmenntir sem fræðiefni. Við leggjum áherslu okkar á víðsýni og að nemendur læri að afla sér upplýsinga. Upplýsingalæsi er þar mikilvægur þáttur.
Nemendur geta sótt sér aðstoð við heimildavinnu á safni í samráði við bókasafnsfræðing og kennara. Kennslubækur og kennsluleiðbeiningar eru skráðar á safnið og geta nemendur og starfsmenn fengið gögn lánuð eftir þörfum. Hljóðbækur eru lánaðar til nemenda að beiðni umsjónar- eða sérkennara. Einnig eru þar bækur vegna framhaldsáfanga í valgreinum.
Meðal verkefna bókasafnsfræðings eru bókapantanir, skráning, flokkun og frágangur auk útlána. Á bókasafni fer einnig fram safnafræðsla á vegum bókasafnsfræðings.
Allur safnkosturinn er skráður í tölvukerfið Leitir (sjá www.leitir.is ), sem er sameiginlegt bókasafnskerfi fyrir allt landið.
Umsjón með bókasafninu hefur Steinunn Þorsteinsdóttir, upplýsinga og samskiptafræðingur.
- Eldri færsla
- Nýrri færsla