Foreldrarölt

Ágætu bekkjarfulltrúar

Nú er komið að foreldrarölti.  Meðfylgjandi er listi þar sem búið er að skipuleggja foreldrarölt í Setbergsskóla nú í vetur.  Fyrirkomulagið er þannig að bekkjafulltrúar eru beðnir að taka það að sér að manna röltið, þ.e. að hringja í 3-4 foreldra úr bekknum og biðja þá að rölta, eða rölta  sjálfir ef þeir vilja.

Megin tilhögun röltsins er sú að gengið sé að kvöldi föstudags eða laugardags í u.þ.b. 3 tíma á bilinu 23:00-01:00,02:00.  Gengið er vítt og breytt um hverfið og þá sérstaklega á þá staði þar sem líklegt er að krakkar safnist saman t.d. Snælands video og  heilsdagsskólann. Þeir sem rölta ættu að hafa með sér síma og setja  í minnið nokkur mikilvæg símanúmer áður en lagt er af stað.   Hægt er að hringja í starfsmenn Götuvitans til að fá aðstoð ef með þarf.  
 
Áríðandi er að skila skýrslu um röltið, hún þarf ekki að vera löng, aðalatriðið er að skrifa skýrslu um það helsta sem fyrir augu bar. Svo að við getum þegar skólaárið verður gert upp, gefið skýrslu til t.d. forvarnarfulltrúa, skólastjórnenda og lögreglu. Hægt er að senda skýrsluna á  rosapetursdottir@gmail.com

Símanúmer: 698-7067
Umsjónarmaður foreldrarölts er Rósa Pétursdóttir - rosapetursdottir@gmail.com

Setrið  s: 555-2955
Götuvitinn   s:  664-5777
Neyðarlínan:  112

Markmið foreldraröltsins er m.a.að koma í veg fyrir óeðlilega hópamyndun unglinga eftir löglegan útivistartíma, stöðva foreldralaus partý í heimahúsum, efla og styrkja foreldra í uppeldishlutverki sínu og vera góð fyrirmynd. Einnig er þetta góð leið til að kynnast hvert öðru svo ekki sé minnst á hreyfinguna. Foreldraröltið er góð nágrannavarsla og hefur skilað talsverðum árangri samanber nýlega könnun.

Búum börnum okkar öruggt  umhverfi. Með þínu framlagi leggur þú því lið að gera hverfið okkar öruggara.

Ef einhverjar spurningar vakna þá endilega hafið samband við umsjónamann foreldrarölts. Með von um gott foreldrarölt í vetur.

Stjórn foreldrafélags Setbergsskóla

Skipulag:


Setbergsskóli | Hlíðarbergi 2, 220 Hafnarfjörður
Sími 565 - 1011 | Netfang setbergsskoli@setbergsskoli.is