Útivistarreglur
Um svipað leyti og skólinn hefst breytist útivistartími barna og unglinga.
Virðum reglurnar
Börn 12 ára og yngri mega ekki vera úti eftir klukkan 20:00 eftir 1. september. Börn 13 – 16 ára mega lengst vera úti til 22:00 á kvöldin. Ein undanþága leyfir þeim að vera lengur en það er þegar þau þurfa að koma sér heim af viðurkenndri æskulýðsstarfsemi eða íþróttaæfingu. Slíkar undanþágur verða æ fátíðari og foreldrar eru látnir vita af þeim.
Foreldrar hafa fullan rétt til að stytta þennan útivistartíma og taka þarf mið af aðstæðum hverju sinni. Foreldrar/forráðamenn bera ábyrgð á börnum sínum og unglingum.
Virkir foreldrar
Þátttaka foreldra í foreldrarölti hefur stutt við að útivistartíma sé framfylgt auk þess sem foreldrar hittast og fá tækifæri til að standa enn betur saman í að huga að velferð barnanna.
Foreldrar, stöndum saman í því að tryggja að börnin okkar alist upp í heilbrigðu umhverfi.
Uppfært: 24.11.2022
- Eldri færsla
- Nýrri færsla