Hugtakakort
Unnið er með hugtakakort í öllum árgöngum Setbergsskóla. Hugtakakortin eru ekki hugsuð sem viðbótarnámsefni heldur námstækni við að tileinka sér efni á árangursríkan hátt. Þegar unnið er með hugtakakort reynir á færni nemenda að draga út meginhugtök og efni texta og raða þeim upp á skipulegan og rökrænan hátt. Hugtakakortin eru misflókin eftir aldri nemenda og eðli texta sem unnið er með. Eftirfarandi er einföld samantekt á því hvernig unnið er með hugtakakort í skólanum.
Nemendur geta verið 2 – 4 í hóp að vinna sameiginlega að gerð hugtakakorts. Nemendur geta jafnframt unnið hugtakakort einstaklingslega.
- Texti lesinn
- Nemendur skrifa hugtök og dæmi sem þeir muna úr textanum á litla miða. Öllum hugtakamiðunum er safnað saman í einn bunka.
- Nemendur flokka miðana og raða þeim síðan á stóra örk.
- Nemendur bæta við hugtökum ef þess þarf (t.d. yfirhugtök)
- Hugtök eru tengd með línum (tengingar geta einnig verið milli flokka þegar um flóknari kort er að ræða).
- Nemendur skrifa á tengilínur, þar sem þess er þörf.
- Nemendur raða dæmum við hugtökin.
- Nemendur yfirfara kortin með gagnrýni og lagfæra þar til þau mynda heild.
- Hugtakakortið endurritað á minna blað (A4). Teiknaðir hringir og línur.
- Eldri færsla
- Nýrri færsla