Opnunartími og frímínútur

Opnunartími skólahúsnæðis, frímínútur og hádegishlé 

Öllum nemendum er hleypt inn í skólann kl. 8:00. Skólaliðar opna kennslustofur nemenda í 1. – 7. bekk en í unglingadeild eru kennslustofur opnaðar um leið og kennsla hefst kl 8:10. Skólaliðar hafa umsjón með nemendum þar til kennsla hefst. Í frímínútum eru kennslustofur ætíð læstar og kennarar fylgja hópum fram í anddyri. Skólaliðar á útivörslu sjá til þess að þeir nemendur sem matast að loknum hádegisfrímínútum komi í matsal á réttum tíma.

Allir nemendur eru í morgunfrímínútum á sama tíma, kl. 9:30 – 9:50. Skólaliðar fara út í frímínútur með börnunum, þeir eru til taks ef eitthvað kemur upp á og aðstoða við leiki.  Unglingadeildarnemendum ber ekki að fara út í frímínútur.

Hádegishlé er 11:10 – 11:50 hjá yngri deildum og kl. 11:50 – 12:30 hjá þeim eldri.  Skólaliðar, stuðningsfulltrúar og kennarar taka þátt og aðstoða í matarhléum.

Reiknað er með að nemendur mæti stundvíslega í skólann.


Setbergsskóli | Hlíðarbergi 2, 220 Hafnarfjörður
Sími 565 - 1011 | Netfang setbergsskoli@setbergsskoli.is