Setbergsskóli

Foreldradagur

Skrifað af Administrator

Þriðjudaginn 31. janúar verður forelradagur í Setbergsskóla. Öll kennsla fellur niður þennan dag. Þeir foreldrar sem eiga börn í heilsdagsskóla fá sendan póst vegna fyrirkomulag gæslu þennan dag.

Foreldrar eða forráðamenn eru hvattir til að mæta í skólann á þeim tíma sem þeim hefur verið gefinn. Ætlast er til að nemendur komi með.

Aðrir kennarar en umsjónarkennarar verða til viðtals í sínum stofum nema íþrótta- og sundkennarar sem verða í stjórnunarálmu, gefið ykkur fram við skrifstofu ef þið viljið ná tali af þeim.

Eins og alltaf safnast mikið af óskilamunum í geymslur okkar. Við biðjum foreldra að athuga hvort börn þeirra eigi eitthvað af því sem lagt verður fram á ganga við aðalinngang og í unglingadeild á viðtalsdaginn.

María Pálmadóttir, skólastjóri

Leikskólabörn í heimsókn

Skrifað af Administrator

Leikskólabörn voru í heimsókn hjá 1. bekkingum í morgun. Þau skiptu sér á bekkina, tóku þátt í verkefnavinnu, fóru út í frímínútur og fengu hressingu áður en þau héldu heimleiðis eftir vel heppnaðan morgun.
Unnið er markvisst að því að brúa bilið á milli skólastiga til að gera börnunum flutninginn á milli leik- og grunnskóla léttbærari. Leikskólabörnin í elsta hópi koma í nokkrar heimsóknir í Setbergsskóla yfir veturinn. Nemendur 1. bekkja fara einnig í heimsóknir í leikskólana í hverfinu. Þetta samstarf á milli skólastiga hefur verið afar ánægjulegt og skilað góðum árangri að mati okkar.

LAST_UPDATED2

Próftöflur í unglingadeild

Skrifað af Administrator

Ágætu foreldrar og nemendur 8. - 10. bekk

Dagana 12. – 17. janúar verða nemendur prófaðir samkvæmt próftöflum hér að neðan. Athugið að mánudaginn 16. janúar mæta nemendur aðeins til prófs. Ekki verður mataráskrift í gangi þennan dag. Hina dagana verður kennt samkvæmt stundaskrá áður en próf hefst og að prófi loknu. Prófin eru tekin í heimastofum.

Próftafla 8. bekkur

Dagsetning:	Tími:	Námsgrein:	Stofa
12. jan. fimmtud. kennsla/próf	9:50 - 11:50	Enska	Heimast.
13. jan. föstud. kennsla/próf	8:10 - 9:30	Íslenska	Heimast.
16. jan. mánud. prófdagur	8:10 - 11:00	Stærðfræði	Heimast.
17. jan. þriðjud. kennsla/próf	10:30 – 11:50	Danska	Heimast.

Próftafla 9. bekkur

Dagsetning:	Tími:	Námsgrein:	Stofa
12. jan. fimmtud. kennsla/próf	9:50 - 11:50	Danska	Heimast.
13. jan. föstud. kennsla/próf	9:50 - 11:50	Íslenska	Heimast.
16. jan. mánud. prófdagur	8:10 - 11:00	Stærðfræði	Heimast.
17. jan. þriðjud. kennsla/próf	8:00 – 9:30	Enska	Heimast.

Próftafla 10. bekkur

Dagsetning:	Tími:	Námsgrein:	Stofa
12. jan. fimmtud. kennsla/próf	8:10 - 10:30	Enska	Heimast.
13. jan. föstud. kennsla/próf	9:50 - 11:50	Íslenska	Heimast.
16. jan. mánud. prófdagur	8:10 - 11:00	Stærðfræði	Heimast.
17. jan. þriðjud. kennsla/próf	9:50 – 11:50	Danska	Heimast.

Nemendur athugið að mæta tímanlega í próf og hafa skriffæri meðferðis. Munið eftir vasareikni, gráðuboga og hringfara fyrir stærðfræðiprófið

Gangi ykkur vel !

Deildarstjóri og kennarar

LAST_UPDATED2

Jólakveðja

Skrifað af Administrator

Starfsfólk Setbergsskóla óskar nemendum og fjölskyldum þeirra gleðilegrar jólahátíðar með þakklæti fyrir ánægjulegt samstarf á árinu sem er að líða. Hittumst heil þann 4. janúar en þá hefst kennsla samkvæmt stundaskrá.

LAST_UPDATED2

Verkefni úr textílmennt

Skrifað af Administrator

Nú í haust hafa nemendur unnið ýmis verkefni í textílmennt, bæði prjónað og saumað flott verkefni.