Lítið við á þemadögum í Setbergsskóla
Ágætu foreldrar og
forráðamenn.
Dagana 14. - 16. mars standa yfir þemadagar í Setbergsskóla. Hefðbundið
skólastarf er lagt til hliðar, bekkjarbönd rofin og unnið að ýmsum verkefnum í
aldursblönduðum hópum. Að þessu sinni er þemað "Snjalli skólinn minn"
og vísar til þess að á flestum stöðvum eru unnin verkefni þar sem smáforrit eða
tölvutækni er notuð til að efla sköpunarkraft og gleði. Skipulagðar hafa verið
14 stöðvar og skipta nemendur um stöð á 20 mínútna fresti. Unnið verður á
stöðvum frá kl. 9:00 - 11:30 miðvikudag og fimmtudag en frá kl. 9:00 - 9:40 á
föstudeginum en við endum þemadagana með því að koma saman og dansa súmba á sal
skólans.
Við hvetjum foreldra til að líta við hjá okkur þessa daga, fylgjast með því
fjölbreytta starfi sem fram fer og taka þátt í gleðinni. Verið velkomin í
snjalla skólann okkar!
Bestu kveðjur, starfsfólk Setbergsskóla.
- Eldri færsla
- Nýrri færsla