Öskudagurinn 17. febrúar
Öskudagurinn 17. febrúar
Að venju verður glens og gaman á öskudaginn í Setbergsskóla allir nemendur eru í skólanum frá kl. 8:30-11:30. Slegið verður upp balli á sal með aðstoð nemenda í unglingadeild - yngsta stig hittist á sal kl. 8:50 og miðdeild hittist á sal kl. 9:20. Kennara verða með skemmtilegt uppbrot með nemendum þennan dag.
Það verður pizza í matinn og þeir nemendur sem ekki eru í mataráskrift býðst að kaupa matarmiða. Matartíminn er skipulagður þannig að pizzur fara inn í stofur fyrir 1. - 4. bekk kl. 11:00. Miðdeild matast í matsal kl. 11:10. Unglingadeild matast í matsal kl. 11:20.
Nemendur í unglingadeild aðstoða við pizzur og útdeila nammi í stofur hjá 1. - 7. bekk en unglingar fá nammipokann sinn með pizzunum. Foreldrafélagið gefur nammipokana sem krakkanir taka með sér heim í lok dags.
Krakkaberg verður opið og þeir sem skráðir eru þar fara þangað þegar skóla lýkur.
Öskudagurinn er alltaf skemmtilegur dagur í skólastarfinu og eru nemendur og starfsfólk hvatt til að mæta í búningum þennan dag.
Stjórnendur og starfsfólk Setbergsskóla
