Vel heppnaðar Jólaskemmtanir
Nemendur stóðu sig frábærlega!
Eins og venjulega lauk haustönninni okkar með jólaskemmtunum á sal skólans. Nemendur í 6.bekk sáu um helgileik og nemendur úr 7. bekk áttu veg og vanda að komu jólasveina og jólasveinka á skemmtunina.
Krakkar úr 4. bekk sáu um söng í helgileik og svo voru það stúlkur úr 7. bekk sem sungu jólalögin á meðan allir dönsuðu í kringum jólatréð. Svo héldu nemendur út í birtuna og snjóinn. Komnir í jólafrí.
Starfsfólk Setbergsskóla óskar öllum nemendum og aðstandendum þeirra, gleðilegra jóla og farsæls komandi árs. Hlökkum til að hitta ykkur á nýju ári.
- Eldri færsla
- Nýrri færsla