Að vökva lestrarblómin í sumar
Að vökva lestrarblómin í sumar
Kæru foreldrar og forráðamenn !
Við viljum minna á mikilvægi þess að halda lestri barna ykkar áfram í lengri fríum. Við höfum oft orðið vitni að því að lestrarfærni nemenda fari aftur eftir lengri frí, ef þau lesa ekkert. Einkum er hætta á þessu þegar nemendur hafa glímt við lestrarerfiðleika eða eru hæg í lestri. Til að koma í veg fyrir þetta er einfalt ráð: Að börnin lesi að jafnaði ekki sjaldnar en þrisvar í viku í fríinu. Þannig viðhalda þau þeirri færni sem þegar er náð. Bóklestur eflir orðaforða og bætir málskilning og því mikilvægt að börn lesi til að „ hlaða“ inn góðan orðaforða.
Við hvetjum alla foreldra til að huga að því að lestrarblómin fái áfram næringu í sumarfríinu þannig að þau geti haldið áfram að vaxa og dafna. Notið ykkur frábæra þjónustu bókasafns Hafnarfjarðar ef ykkur skortir lesefni. Einnig er þar á dagskrá „sumarlestur“ sem við hvetjum ykkur til að nýta. Komum þeim boðum til barnanna okkar að það sé gaman að lesa skemmtilegar bækur og að lestrarstundir séu góðar samverustundir.
Með kærri sumarkveðju og ósk um góðar lestrarstundir í sumarfríinu,
starfsfólk Setbergsskóla
- Eldri færsla
- Nýrri færsla
