Kvennafrídagurinn 24. október
Kæru foreldrar
Kvennafrídagurinn er á mánudaginn og viljum við hjá Hafnarfjarðarbæ leggja okkar af mörkum og hvetja okkar konur til þátttöku. Ákveðið hefur verið að gefa konum starfandi hjá Hafnarfjarðarbæ frí frá kl. 14:30 þennan dag og gefa þeim þannig kost á þátttöku í skipulögðum hátíðarhöldum á sjálfan Kvennafrídaginn.
Kvennafrídagurinn var haldinn
í fyrsta sinn á Íslandi 24. október árið 1975. Íslenskar konur komu
saman á fundum um land allt en sá fjölmennasti var á Lækjartorgi í
Reykjavík og vakti samstaða íslenskra kvenna heimsathygli.
Langflestar konur lögðu niður störf þennan dag og lamaðist atvinnulífið í
landinu að mestu leyti. Dagurinn er ekki lögbundinn frídagur en er þó
ávallt kallaður kvennafrídagurinn.
Leik- og grunnskólahald og
starfsemi frístundaheimila leggst niður.
Foreldrar eru vinsamlega beðnir
um að gera ráðstafanir og sækja börnin sín í síðasta lagi kl. 14:15
mánudaginn 24. október. Á þetta við um bæði skólastigin
og öll frístundaheimili á vegum bæjarins.
Við þökkum sýndan skilning og
vonumst til þess að allar konur taki virkan þátt.
María Pálmadóttir
Skólastjóri Setbergsskóla
- Eldri færsla
- Nýrri færsla