Ágætu forráðamenn unglinga í Setbergsskólahverfi

Hugum að fjölskyldunni um hátíðirnar

Nú þegar jól og áramót nálgast er gott að minna á mikilvægi samverustunda fjölskyldna um hátíðirnar.

Samverustundir fjölskyldna eru dýrmætar og hvetja unga fólkið til heilbrigðara lífernis. Auk þess sýna íslenskar kannanir að börn og ungmenni vilja verja meiri tíma með foreldrum sínum en þau gera.

Verum samstíga um að gera gamlárskvöld að hátíðarkvöldi þar sem öll fjölskyldan skemmtir sér vel saman. Með því sjáum við til þess að börnin okkar eigi góðar og jákvæðar minningar frá þessum tímamótum. Mikilvægt er að virða útivistarreglur, standa saman gegn eftirlitslausum unglingapartýum og að vera í góðu sambandi við foreldra annarra barna og ungmenna. Þá er ágætt að minna á rannsóknir sem sýna að þeir foreldrar sem útvega börnum sínum áfengi auka á áfengisneyslu þeirra sem getur svo ýtt undir að vinir barnanna drekki einng áfengi.

Með samstilltu átaki undanfarin ár hafa foreldrar í Hafnarfirði séð til þess að gera aðventu, jól og áramót að friðsælli fjölskylduhátíð. Tryggjum að svo verði áfram.

Gleðileg jól og farsælt komandi ár.

Hér má sjá bréfið í heild sinni.

Gleðilega jólahátíð

Starfsfólk Setbergsskóla óskar nemendum og fjölskyldum þeirra gleðilegra jóla og þakkar fyrir samstarfið á árinu sem er að líða. Kennsla hefst aftur samkvæmt stundatöflu þann 5. janúar 2010.

María Pálmadóttir, skólastjóri

 Hér eru nokkrar myndir frá jólaskemmtunum okkar.

Nýr Setbergsannáll er nú kominn út. Meðal efnis í blaðinu eru umfjallanir um jólaskemmtanir, samræmd próf, mat á skólastarfi o.m.fl. Annállinn verður sendur heim en þeir sem eru óþreyjufullir og geta ekki beðið eftir að fá hann í tölvupósti geta skoðað hann hér.

Fimmtudagurinn  17. desember

Föstudagurinn 18. desember