Setbergsskóli

Þeir Birgir Örn Höskuldsson, Úlfur Andrason og Brynjar Geir Sigurðsson hafa farið hamförum sem spurningalið skólans síðastliðnar vikur. Í gærkvöldi lögðu þeir að velli lið Öldutúnsskóla með miklum yfirburðum 30-12. Þessi frækni sigur tryggði þeim þátttöku í úrslitum keppninnar. Sér til halds og trausts höfðu þeir tryggasta stuðningsmannalið norðan Alpafjalla. Þema kvöldsins var blátt og tóku margir það afar alvarlega.

5. bekkir héldu kynningu fyrir foreldra á námsefninu um víkinginn Leif Eiríksson og Ameríkufund hans 9. febrúar s.l. Allir komu með kökur og meðlæti í morgunsárið og skemmtu sér vel.

Fleiri myndir frá heimsókninni

Upplestrarkeppni Setbergsskóla, sem 7. bekkingar taka þátt í, verður haldin á sal skólans fimmtudaginn 11. mars 2010 kl. 8.10.
Í ár eru það 10 nemendur sem taka þátt í keppninni og eru þeir fulltrúar síns bekkjar.
Dómnefnd velur tvo nemendur sem koma fram fyrir hönd skólans á lokahátíð upplestrarkeppninnar sem haldin verður í Hafnarborg þriðjudaginn 23. mars næstkomandi.

Nemendur í báðum hópum í spænsku drógu sér  „spænskar“ fjölskyldur og áttu að vinna verkefni í tengslum við þær. Verkefnin voru  ólík eftir hópum en sameiginlegt markmið þeirra var að nemendur kynntust spænskum nöfnum og eftirnöfnum og æfðu sig í að lýsa manneskjum.